Ammoyo kadi mga kabombo nga adda dagiti indibidwal a mangitantandudo iti pannangan iti daga gapu ta patchenda nga adu ti maitulong daytoy iti bagi kas iti panangpapintas iti kudil ken panangpasayaat iti gut health?
Gapu iti dayta, adda pay itan iti mailaklako nga edible soil kadagiti sumagmamano nga online shopping platforms.
Sigun kadagiti aglaklako iti edible red clay, ti nasao a produkto ket mabalin nga aramaten kas anti-aging tool nu sadino, makatulong daytoy tapno mabalanse ti sebum production tapno malapdan ti panataud iti kamuro ken balakubak.
Adda metten dagiti panagadal a mangpanpaneknek nga adda ti nasayaat a maipaay iti panangan iti daga iti bagi ti maysa nga indibidwal partikular iti human gut microbiome.
Sika ngay kabombo? Ikonsideram kadi ti pannangan iti daga tapno maalam dagiti nadakamat a benepisyo?
