--Ads--
Inwaragawag ti Department of Education (DepEd) a nabawasan ti paperworks dagiti mannursuro iti pagilian.
Sigun kenni Education Secretary Sonny Angara, dumanon iti 57% ti naikkat iti paperworks wenno trabaho dagiti mannursuro mainaig iti panangiproseso iti dokumento, office works, ken dadduma pay.
Innayon ni Agara a babaen iti daytoy, nasaysayaat ti panangipamaysa dagiti mannursuro iti panangisuro kadagiti estudiante.
Innayon ti opisial a agtultuloy ti hiring ti DepEd kadagiti non-teaching personnel.
Karaman ditoy ti agarup 5,000 Administrative Officers ken Project Development Officers a mangtrabaho iti non-teaching works iti pagadalan.
