BAGUIO CITY – Naobserbaran ita a tawen nga ad-adda a dimmakel ti parikut iti gunay ti trapiko iti siudad.
Sigun kenni Police Lieutenant Colonel Zacharias Dausen, dadaulo ti Traffic Enforcement Unit, posible nga adda pakainaigan daytoy iti kinaado ti maar-aramid wenno maiparparuar a lugan manipod kadagiti manufacturers.
Maysa kadagiti kangrunaan a karit a sangsangwen iti agdama dagiti traffic enforcers iti Baguio City ti panangimaniharda iti kinaado dagiti lugan nga agturong iti Central Business District nangruna iti rush hour partikular iti agsapa.
Kinuna ni PLt.Col. Dausen a maysa kadagiti makaap-apektar iti gunay ti trapiko ti kinaawan ti bukod a loading ken unloading station dagiti unibersidad nu sadino kadawyan a ti kalsada ti pagsarsardenganda.
Malaksid iti dayta, saan metlaeng a kabaelan a launen ti city roads ti kinaado ti lugan rason a marigatan dagiti traffic enforcers a mangimanihar kadagitoy.
Kabayatanna, saan a bumaba iti sangagasut ti bilang dagiti mailislista nga aglablabsing iti Number Coding Ordinance iti Baguio City, pito pulo a porciento kadagitoy ket dagiti turista.//Bombo Rob Dominguez
