Inyunay-unay ni Senator Imee Marcos a kasapulan a matutukan ti parikot ti pagilian a Pilipinas.
Iti pannakiuman iti Bombo Radyso kenkuana, kinunana nga importante nga ipaayan iti atension ti presio ti bagas ken dadduma pay.
Impetteng ni Senador Marcos a kasapulan a liklikan ti saan a panagkikinnaawatan ken tutukan laengen dagiti parikot iti pagilian.
Inyunay-anay ti Senadora a napateg kadagiti Pilipino ti pannakaipatumpal iti agpapada a minimum wage iti intero a pagilian.
Gapu iti dayta, panggepna nga adalen manen ti minimum wage rate no kasapulan a maipatumpal iti panagpapada daytoy.
Malaksid iti dayta, kinuna ni Senator Marcos a napateg kadagiti Pilipino ti pannakaipaay iti tulong nangruna ka dagiti PWD, Senior Citizen, Solo Parent, dagiti mannalon ken mangalap.
Impetteng ti nasao nga opisial a kasapulan a maipaay dagiti tulong kadagiti agkasapulan.
Panggepna pay a maipaayan iti binulan a sweldo dagiti mannalon, tutukan ti PhilHealth, pannakapapintas dagiti ospital, pannakaipaay ti tulong kadagiti Barangay Health Workers.
Inyunay-unay ti nasao nga opisial nga awan ti mabati ken umangat ti amin.
