Imbilin ti Mandaluyong Regional Trial Court (RTC) iti Department of Foreign Affairs nga ikanselar ti passports da retired police colonel Royina Garma ken sigud a National Police Commission commissioner Edilberto Leonardo seknan iti manarimaan a murder case ni Philippine Charity Sweepstakes Office Board Secretary Wesley Barayuga.
Nangipaulog metlaeng dagitoy iti hold departure order kontra kadagitoy ken dagiti tallo pay a naakusaran iti ipupusay ni Barayuga.
Naisurat iti nasao a pammilin a nakanselar ti passport dagitoy tapno saanda a makaruar iti pagilian kagiddan ti sangsanguen dagitoy a kaso.
Imbilin metlaeng ti korte nga agtalinaed da sigud a Police Lieutenant Santi Mendoza ken ex-police officer Nelson Mariano iti kustodiya ti National Bureau of Investigation.
Dagitoy ket nakemmeg gapu metlaeng iti ipupusay ni Barayuga.
Kabayatanna, maipalagip a sumangsango no Garma iti reklamo a murder ken frustrated murder gapu iti maatap a panangibilinna iti pannakapapatay ti sigud a Philippine Charity Sweepstakes Office Board Secretary.
