Impakaammo ni Vice President Sara Duterte a posible nga awanen ti dadaulo ti Kingdom of Jesus Christ a ni Apollo Quiboloy sadiay Davao City.
Sigun kenni Vice President Sara Duterte, umdas ti oras ni Quiboloy a rummuar iti Davao City gapu iti gapu iti nabayag a grand standing iti committee hearing.
Innayun pay ni Duterte a nasaysayaat no insigida a maiserbi ti arrest warrant gaputa narugitanen ti imahe ti siudad ti Davao.
Nupay kasta, kinunana ti Regional Office 11 a kasapulan a suruten dagiti law enforcers dagiti operational procedures, no sadino ti pannakaipatungpal ti warrant of arrest iti uneg ti Kingdom of Jesus Christ compound ket adda iti beddeng ti linteg ken surotenda dagiti police operational procedures.
Kabayatanna, nabara ti tension iti nagbaetan dagiti polis ken dagiti kameng ti Kingdom of Jesus Christ (KOJC) idi kalman gapu iti pannakalukat ti Emerald Gate ti compound ti simbaan, no sadino madanagan dagiti kameng ti KOJC nga amangan no mangikabil dagiti polis iti kontrabando gaputa awan ti scanner iti nasao a gate.
Nupay kasta, inlibak dagiti polis ti kinuna dagiti kameng ti simbaan, no sadino impaganetget ni Police Regional Office 11 spokesperson Police Major Catherine dela Rey a saanda nga agikabil iti aniaman nga ebidensia.
