--Ads--
BAGUIO CITY – Nakemmeg ti maysa a pastor kalpasan a naiserbi ti warrant of arrest daytoy babaen iti kameng ti Itogon Municipal Police Station sadiay Malasin, Ucab, Itogon, Benguet.
Nabigbig daytoy a ni Furtunato Bangcoda Camoda, 50-anyos, naasawan, tubo ti Kibungan, Benguet ken residente ti Malasin, Ucab, Itogon, Benguet.
Sumangsango daytoy iti kaso a sag-dua a bilang ti murder ken frustrated murder nga impaulog ni Honorable Judge Nicodemo Ferrer ti RTC Branch 8, 1st Judicial Region, La Trinidad, Benguet.
Nairekomendar ti panagpiansa ni Camoda iti P640,000.
Naiturong ti suspek iti Itogon MPS para iti dokumentasyon para iti panakai-turnover daytoy iti korte.(with Bombo Florence Paytocan)
