Inyebkas ni President Ferdinand “Bongbong” R. Marcos Jr. bayat ti panagkampania idiay Pasay City a saan a kasapulan ti “nadara a solusion” tapno mapukaw ti kriminalidad ken iligal a droga.
Sigun kenkuana, saanna a pammati a ti solusion ket kasapulan a pummatay ti rinibribo a Pilipino gaputa adda ti umno a proseso tapno maipasigurado ti kinatalged ken kinasayaat.
Iti baet a saan a nagdakamat ti nagan ni President Marcos, ni sigud a President Rodrigo Duterte, kaduana dagiti nagduduma nga opisial a nagserbi iti sidong ti administrasionna, ken naakusaran iti crimes against humanity babaen kadagiti biktima ti drug war iti International Criminal Court.
Para it biang ni Marcos, ti wagas tapno masirut ti kriminalidad ken ti panagaramat ti iligal a droga ket babaen iti umno a linteg ken epektibo a pannakaipatungpal dagiti polisia a mangpabileg iti kabaelan ti polis ken lokal a gobierno.
Nakairekord ti Philippine Drug Enforcement Agency iti 6,252 a pimmusay iti anti-drug police operations manipod Hulio 1, 2016 agingga Mayo 31, 2022.
