BAGUIO CITY – Nagnegatibo iti iligal a droga dagiti amin a kameng ti Philippine Drug Enforcement Agency Cordillera iti naisayangkat a surprise drug test kadagitoy sadiay Camp Bado Dangwa, La Trinidad, Benguet idi kalman.
Sinaksiyan a mismo ni Undersecretary Isidro Lapeña, director general ti PDEA, ti nasao a drug testing.
Kagiddan iti daytoy ket ginuyugoyna dagiti drug busters ti Cordillera nga agtrabahoda iti triple maonaig iti laban kontra iti iligal a droga.
Inlawlawag met ti ahensia a maipatpatungpal ti mandatory drug testing iti amin a tao ti PDEA tapnu masigurado nga awan kadagiti empleado ti agar-aramat iti iligal a droga.
Pammaneknek pay daytoy iti agtultuloy nga internal cleansing ti anti-drug agency kasaruno ti anti-illegal drug campaign nga inyusuat ni Pres. Rodrigo Dutete.
