Silulukat para iti publiko ti PDL Livelihood Product Exhibit Cum Christmas Village idiay Baguio City Jail Male Dormitory manipod ita agingga inton December 31, 2024 tunggal aldaw iti Lunes, Huwebes ken Biernes.
Maitamtampok ditoy dagiti nagduduma a produkto nga inaramid dagiti balud manipod nagduduma a pa Bureau of Jail Management and Penology(BJMP) iti Rehion Cordillera.
Maakomodar dagiti sumarungkar manipod 8:00 AM agingga 5:00 PM.
Kagiddan dayta, masapol metlaeng a lagipen dagiti banag a maiparit nu panngep ti agrurong iti PDL Livelihood Product Exhibit kas iti panagaramat iti kawes a Yellow ken nababa iti neckline-na, fitted pants, ken pagagaramat kadagiti adu nga alahas.
Iti sabali a bangir, maaramat met ti numbering system tapno malimitaran laeng iti innem a pulo(60) dagiti sumarungkar nga indibidwal.//Bombo Jez Lapizar
