BAGUIO CITY – Naipasidong iti lockdown ti Kalinga Provincial Hospital (KPH) pediatric department.
Maibasar iti report, maipatungpal ti lockdown iti las-ud ti 10 nga aldaw, manipud Disiembre 3 aginggat Disiembre 12.
Naipatungpal ti lockdown kalpasan a nagpositibo iti COVID-19 ti maysa a pasiente ti pagagasan.
Naipasidong iti swab test ti 41 a health personnel ti pagagasan a nakapulapol ti pasiente.
Manamnama a mairuar ti resulta ti swab test dagiti nasao a personnel ita a lawas.
Kas paset ti health protocol, sinuspindir ti KPH management ti out-patient consultation iti las-ud ti lima nga aldaw malaksid iti emergency cases bayat a nalimitaran met ti konsultasion iti OB-Gyne.
Iti agdama, addan ti 398 a kaso ti COVID-19 sadiay Kalinga, 295 dagiti naimbagam ken 102 dagiti agpapaimbag.
