Kiniddaw ti Office of the Solicitor General (OSG) iti Korte Suprema a maibasura ti kiddaw ni Senator Ronal “Bato” dela Rosa mainaig iti arrest warrant nga impaulog ti International Criminal Court (ICC) kontra kenkuana.
Maibasar iti maika-83 a panid ti G.R. No. 278747, kiniddaw ti OSC iti SC a pagkedkedan ti Manifestation with Omnibus Motion and Extremely Urgent Supplemental Manifestation with Motion ni Sen. dela Rosa gapu iti maipagarup a kinakurang ti merito.
Impila ti senador ti petision iti korte a mangkidkiddaw iti judicial recourse sakbay nga agtignay ti executive department iti arrest warrant nga impaulog ti ICC.
Kabayatanna, immuna a nangipila ni dela Rosa ti motion para iti pannakaipaulog ti temporary restraining order kontra iti warrant of arrest.
Nupay kasta, saan a pinatgan ti Korte Suprema.
Maipalagip nga impaulog ti ICC ti warrant of arrest kontra iti Senador gapu iti maatap a pakainaiganna iti crimes against humanity a naaramid iti war on drugs ni sigud a president Rodrigo Duterte.
