Baguio City- Mangnamnama ni Cordilleran martial arts fighter a ni Honorio Banario a maiyawed na ti balitok a medalya iti Kickboxing event iti 32nd Southeast Asian Games idiay Cambodia.
Sigun iti national team member, dakkel ti kumpyansa na iti bagi na a makasubbot ita a tawen manipud iti bronze medal finish daytoy iti 31st Seagames idiay Vietnam idi napalabas a tawen.
Inlawlawag pay ti 33 anyos a tubo ti Mankayan, Benguet nga adda iti napintas a kondisyon ti pammagi na kalpasan a naipasidong dagitoy iti panagkessay iti timbang idi kalman para iti mapadpadaanan a weigh in intun Mayo onse.
Innayon na pay nga dakkel ti adjustment nga inaramed na ita a tawen gapu ta naka-ipamaysa laeng ti atensyon na nga agsanay iti kickboxing nu idilig iti panagsagana na iti Vietnam games idi 2022 agsipud ta naisabay ti ensayo na iti dadduma a klase ti combative sports.
Impannakel na pay na bukbuklen ti 80 a porsiento ti Philippine Kickboxing team ket nagtaod manipud Cordillera kas kada 2022 gold medalist Jean Claude Saclag, Gina Iniong, Jeremy Pacatiw, Danny Kingad, Daryl Chulipas, Jerry Olsim, Carlo Von Buminaang, Jomar Balangui ken dadduma pay.
Ni Banario ket maysa a miembro ti Team Lakay ken sigud a One Featherweight world Champion.
