Adda pailaeng ti P150 billion a sobra ti Philippine Health Insurance Corp. (PhilHealth) manipud iti pundo dagitoy ita a tawen.
Gapu iti daytoy, adda latta ti pundo ti nasao nga opisina uray pay maipaayan dagitoy iti zero subsidy inton umay a tawen.
Daytoy ti imbutaktak ti Department of Health kagiddan ti pannangipasiguradoda kadagiti miyembro ti Philhealth nga adda ti pundo para iti benepisyo dagitoy.
Sigun kenni Department of Health Spokesperson Assistant Secretary Albert Domingo, adda ti P150 billion a sobra ita a tawen.
Dinakamatna a malaksid iti P61 billion a subsidy ti PhilHealth ita a tawen, addaan pay daytoy iti P244 billion a pundo para iti benepisyo dagiti miembro ngem 63% laeng ditoy ti nausar kas maibasar iti maudi a datus idi Oktobre 31.
Impeksa ni Domingo a ti P150 billion a sobra manipud iti pundo ti PhilHealth ita a tawen ket umdasen a mangpasayaat iti benepisyon dagiti miembro daytoy.
