Impablaak iti Philippine Health Insurance Corporation ti dakkel a panagbaliw iti hospitalization benefits, karaman ti panagikkat iti sigud a 45-day limit iti confinement coverage.
Sigun kenni Janet Palaez, local health insurance officer iti Baguio City, mabalinen a ma-cover dagiti miembro iti agsasaruno wenno maulit-ukit a pannaka-ospital, uray iti nagduma a sakit.
Epektibo idi Abril 4, 2025, panggep iti baro a pagalagadan a masalakniban dagiti pasiente nga addaan iti chronic wenno maulit-ulit a kasasaad.
Agtalinaed metlaeng ti 24-hour confinement rule tapno agbalin nga eligible iti benepisio ngem saanen daytoy a maipatungpal kadagiti life-threatening emergency cases nu sadinno mabalin paylaeng a makaala iti coverage uray saan a dumanon iti 24 nga oras ti panagtalinaed iti ospital.
Sigun kenni Palaez, suksukimaten metlaeng iti PhilHealth ti kontribusyon iti miembro sakbay nga ag-avail iti benepisio, ken maguygoyugoy ti regular a panagbayad tapno masigurado ti full coverage nu kasapulan.
Impaganetgetna nga amin iti ospital iti Baguio ket accredited a PhilHealth providers, isut gapuna nga adda ti umdas nga access kadagiti miembro iti serbisio iti salun-at.
