Malagip inton bigat ti aldaw nga immuna a naibandera ti National Flag ti Pilipinas, kalpasan ti panagballigi ti Pilipinas kontra iti pwersa dagiti Espanyol.
Maipalagip nga immuna a naibandera ti Philippine Flag idi May 28, 1898.
Ti Philippine National Flag day ket maramrambakan tunggal Mayo, baente otso, tunggal tawen.
Gapu iti daytoy, naideklara ti nasao nga aldaw kas national holiday iti pagilian a Pilipinas.
Ti nasao a bandera ket addaan daytoy iti init, tallo a bituen, ken addaan ti tallo a kulay daytoy ti kulay blue, puraw ken nalabbaga.
Kayatna a sawen ti kulay blue iti daytoy ket mangisimsimbolo iti kapia, kinapudno ken calm spirit dagiti Pilipino, ti met nalabbaga a kulay ket mangisimbolo iti patriotismo, kinatured ken dagiti sakripisyo nga inaramid dagiti Pilipino.
Malaksid iti dayta, ti init met ket agtaktakder para iti wayawaya, demokrasya, ken kinasoberano ti pagilian a Pilipinas, bayat a dagiti tallo a bituen ket mangipasimudaag kadagiti tallo a kangrunaan nga isla iti Pilipinas, daytoy ti Luzon, Visayas ken Mindanao
Ti desenyo ti bandera ket mangiparangarang iti arapaap ti pagilian, cultural heritage, ken panagkaykaysa dagiti Pilipino.
Kabayatanna, maal-allukoy dagiti tumunggal maysa a mangidisplay iti flag kadagiti pagtaengan, establisiemento ken kadagiti opisanada kas pananglagip, panangrespeto wenno panangraem iti umuna nga aldaw a pannakaibandera ti Philippine Flag iti pagilian.
