--Ads--
Nakasaganan ti Philippine National Police (PNP) a mang-asistar iti Department of Justice (DOJ) iti kanito a maiyawid iti Pilipinas ni sigud a Negros Oriental Rep. Arnolfo Teves Jr.
Daytoy ket kalpasan a naarestar iti pagtaenganna sadiay Dili, Timor-Leste idi May 27,2025.
Sigun kenni PNP Chief Gen. Rommel Marbil, saanda pay nga ammo ti panagsagana ti Department of Justice (DOJ) ngem nakasagana dagitoy a tumulong kadakuada.
Kinuna pay ni Marbil nga adda dagiti escort dagitoy.
Kagiddan dayta, innayonna a kasapulan nga isaganada ti custodial facility tapno adda ti aramaten ti Department of Justice (DOJ) a pangibaludan kenni Teves Jr., iti kanito a kasapulan dagitoy.
