Impakaammo ti Philippine National Police (PNP) a nakasagana dagitoy a mang-asistar ken mangimanehar kadagiti protesta a maipatungpal inton Setyembre 21,2025.
Sigun kenni Philippine National Police Public Information Officer Police Brigadier General Randulf Tuaño, naituding nga ideployda dagiti 23,201 a personnel dagitoy iti intero a Pilipinas.
Impettengna a buklen iti 9,239 a pulis ti maideploy para iti checkpoint ken iti border control, 5,917 para iti crowd management, 4,530 para iti reactionary standard support force, 415 para iti drone operations ken 3,100 para iti panangimanehar iti trapiko.
Gapu iti dayta, kinunana a naka-heightened alert dagitoyen no sadino dagitoy dagiti ag-adjust para iti directory-da iti operasyon.
Innayonna pay a respetuen dagitoy ti freedom of expression ti publiko rason nga impasiguradona ti linak ken kappia bayat dagiti maipatungpal a rallies.
