Naka-full alet ti Philippine National Police (PNP) kasaruno iti napasamak nga emergency rally ti Iglesia ni Cristo idiay EDSA ita nga agsapa/
Iti maysa nga statement, impakaammo ti nasao nga opisina a nainget ita ti panagmonitor ni PNP Chief General Jose Melencio Nartatez iti sitasyon manipud iti PNP Command Center.
Agtaltalianed met iti ground dagiti yunit ti kapulisan ken agtultuloy ti koordinasyonda kadagiti dadduma a concerned units tapno masigurado ti kapya ken seguridad ti publiko.
Sigun iti crowd estimate idiay People Power Monument idiay EDSA-White Plaind itay agsapa, dumanon iti 7,000 ti nakipaset iti nasao a rally.
Sigun kenni NCRPO Regional Director Maj. Gen Anthony Aberin, awan ti inparang ti nasao a grupo a permitda a mangipatungpal iti nasao a rally.
Immunan a kinumpirmar ti Iglesia ni Cristo iti maysa nga statement ti panagbabalawda iti pannakaipila ti kaso a plunder kenni Senator Rodante Marcoleta. //bombokaren.c.sapirao
