BAGUIO CITY – Nairaman ti munisipyo ti Pilar sadiay Abra kadagiti impasidong ti Commission on Elections iti Comelec Control para iti eleksion.
Nagtaud ti desisyon ti COMELEC iti rekomendasyon ni COrdillera Regional Election Director Ederlino Tabilas ken ti petisyon ni Mayor Maro Somera iti dagus a panakaipasidong ti Pilar iti COMELEC Control.
Sigun kenni Comelec Commissioner Saidamen Pangarungan, kasaruno daytoy ti panakailista dagitoy nga lugar kadagiti election-related violence iti masungaden nga 9 elections.
Gapu iti dayta, imbilin met ni PNP chief Police General Dionardo Carlos ti dagus a panakaikkat iti pwesto dagiti amin nga personnel ti Pilar Municipal Police Station kas maibasar iti rekomendasyon ti Comelec.
Kabayatanna, iti opisyal nga waragawag ni Police Regional Office Cordillera Regional Director BGen. Ronald Oliver Lee, kinunana nga imbilinnan ti panakaikkat iti pwesto dagiti personnel ti Pilar MPS manipod iti Chief of Police agingga iti kababaan a ranggo ti pulis.
Sukatan met dagitoy dagiti personnel manipod iti Regional Mobile Force Battalion 15 (RMFB15).
Amin itan dagiti personnel ti Pilar MPS ket temporaryo a nare-assigned iti Personnel Holding and Accounting Section (PHAS) ti Abra PPO ken manamnama a dagus a maiwaras iti dadduma nga yunit kabayatan ti eleksion.
Inyunay-unayna a ti pannakasukat kadagiti personnel ket sungbat iti pammilin ti CHief PNP ken ti panakaipasigurado ti Secure, Accurate, Fair, and Free Election (SAFE) election 2022.
