--Ads--
Impakaamo ni President Ferdinand Marcos Jr. ita nga aldaw a kasapulan nga agsagana ti Pilipinas gapu iti ngumatngato a pangta a timmaud iti ruar ti “geopolitical tension” iti Indo-Pacific.
Bayat ti panagbitla ti presidente iti maikalima nga Infantry Division ti Philippine Army idiay Camp Melchor dela Cruz, Gamu, Isabela, kinunana a ti lokasion ti Pilipinas — nga asideg iti Taiwan — ti mangikabil iti pagilian iti lugar a paginteresan ti China.
Gapu iti daytoy, napateg nga agsagana iti amianan a paset ti Pilipinas iti saan a mapakpakadaan a pasamak.
Impasigurado met ti presidenta a salaknibanna ken idepensa ti teritorio ti Pilipinas.
