--Ads--
Kinondenar ni Sen. JV Ejercito dagiti Pilipino a maatap a mangsupsuportar iti China iti baet ti tension iti West Philippine Sea (WPS).
Iti panagleppas ti diskusion iti Department of National Defense’s 2027 budget idi kalman, kinuna ni Ejercito a makapaupay dagiti sumagmamano a pada a Pilipino, partikular dagiti mangidepdepensa iti China imbes a tumakderda iti nasional nga interes ti pagilian a Pilipinas.
Kasaruno daytoy iti kinuna ni Chinese Ambassador Jing Quan a nalaka laeng a maparmek ti China ti Pilipinas no agaramat dagitoy iti puersa.
Kabayatanna, naipila iti senado ti resolusyon a mangideklara iti nasao a Chinese Ambassador a persona non grata iti pagilian.
