BAGUIO CITY – Manamnama a maimplementar ita a fourth quarter ti pilot testing ti face to face classes kadagiti 17 a pagaladan iti probinsiya ti Benguet.
Inlawlawag ni DepEd-Benguet Schools Division Superintendent Gloria Buya-ao a napili dagiti pagadalan a pakaisayangkatan ti limitado a face to face classes.
Dinakamatna dagiti sumagmamano a pagadalan pakairamanan ti Tacadang Integrated School, Naguey Elementary School,Kayapa Elementary School, Otbong Elementary School, Lanipew Elementary School, Amgaleyguey Elementary School, Tonglo-Carino Elementary School, Oyusan ken Ja’pa Elementary School.
Karaman metlaeng ti Pasdong Elementary School, Gadang Elementary School, Beckes Pol-oc Primary School, Dalmacio Miguel primary school, Busoc primary school, mario laruan elementary school, Baayan ken Bilis elementary school.
Inlawlawagna a dagiti nadakamatna a pagaladan ket napalubosan a mangipatungpal iti face to face classes gaputa nabigbig dagitoy kas COVID-FREE ken low-risks area.
