Kinablaawan ni President Ferdinand Marcos, Jr. ni Pinay Tennis Star Alex Eala kasaruno iti panagkampeon ti atleta iti Women’s Tennis Association singles ti Mubadala DC Open no sadino inabak daytoy ni Jessica Pegula manipud Estados Unidos.
Sigun iti presidente, maysa a pammaneknek ni Eala a kabaelan dagiti Pilipino a makasabay iti sports a tennis.
Innayona pay nga agtaltalinaed nga inspirasyon ni Ealas kadagiti adu nga agtutubo iti pagilian.
Kabayatanna, impeksa met ti senado ti panangkablaawda iti nasao nga atleta ita nga aldaw.
Sakbay a pormal a nangrugi ti maika-12 nga aldaw ti impeachment trial ni VP Sara, nangipaay ti gundaway ni Trial Presiding Officer Francis “Chiz” Escudero ken dagiti senator-judges tapno bigbigen ti baro a naragpat ti Pinay Tennis Star.
Naangay ti ay-ayam ni Eala ita nga aldaw kalpasan a nasuspindir ti paset ti ayayamda idi kalman gapu iti saan a nasayaat a kasasaad ti panawen.
Inabakna ti World No. 3 a ni Jessic Pegula, banag a nangited-dalan kenkuana iti panagkampeon. //bombokaren.c.sapirao
