Mabalinen a pagnaan dagiti light ken heavy vehicle ti Pines Park Bridge idiay Km4, Balili, La Trinidad, Benguet.
Nupay kasta, maysa a parikut dagiti motorista ket dagiti kable ti kuryente ken telecommunications network a naka-uyuy ken nababa unay dagitoy.
Sigun kadagiti kameng ti pulisya, masagsagid dagitoy dagiti dadakkel a lugan a mangituntunda iti pannakapugsat dagitoy a rason met ti nailet a gunay ti trapiko iti nasao a lugar.
Kabayatanna, manamnama ti kanayonan pay a konsultasyon dagiti maseknan nga opisyales, lokal a gobyerno ken kameng ti pulisya sadiay tapno mapagsaritaan ti dadduma pay a pakaseknan kas iti naka-uyuy a kable ken ti panagbalin ti rangtay kas two-way wenno panagruar dagiti lugan manipud iti nasao a barangay.//Bombo Jez Lapizar
