Naimbagannen dagiti pito a nailista a kaso ti Mokeypox idi Enero agingga Mayo iti agdama a tawen iti suidad ti Baguio.
Sigun kenni Dr. Celia Flor Brillantes, dadaulo iti City Health Services Office, awan ti active case ti mpox iti siudad sipud idi June 3, 2025.
Nupay kasta, manarimaan ti monitoring dagiti dua a suspected cases ken maur-uray paylaeng ti resulta iti laboratory test dagitoy.
Iti agdama, naka-isolate iti agsina a health facilities ti dua nga indibidual a mabambantayan.
Mainaig iti dayta, idagdagadag ni Dr. Brillantes a nasken ti agtultuloy a panagridam agsipudta, mabalin nga agwaras ti mpox babaen iti close physical contact partikular kadagiti indibidual a makapaspasar iti sintomas ti nasao a sakit.
Immuna a kinuna ni Brillantes a manarimaan a mangipatpatungal ti City Health Services Office iti social media information dissemination, contact tracing ken dadduma pay nga addang tapno maliklikan ti panagwaras ti Mpox iti siudad.
Kabayatanna, immuna met a kinuna ti Department of Heath a saan a kasapulan ti lockdown iti anya man a paset ti pagilian agsipudta, saan nga airborne ti mpox.
Iyunay-unay ti nasao nga ahensia a palso a damag ti agwarwaras a maipatungpal ti lockdown gapu iti nasao a sakit.//mp4
