BAGUIO CITY – Temporaryo nga agnanaed iti Baguio General Hospital Compound Barangay Hall dagiti pito a pamilya a napukawan iti balay kalpasan a nauram daytoy idiay No. 007 Purok 1, BGH Compound Brgy. Baguio City, pasado alauna itay malem.
Dagiti pito a pamilya ket bukbuklen ti agarup 23 nga indibidual.
Iti inisyal nga imbestigasion ti Bureau of Fire Protection- Baguio, nangrugi ti uram, 1:25 pm ken naideklara met ti fire out iti 2:29 PM.
Ti nasao a residential house ket naaramid iti light materials isu’t gapuna a dagus a nagramaram ti apoy.
Sigun iti maysa kadagiti biktima, nangrugi ti uram iti bakante a paset ti pagtaengan dagitoy sakbay a nagwaras.
Iti agdama manarimaan paylaeng ti imbestgasion dagiti otoridad iti rason ti napasamak nga uram. //Bombo Genzel Depayso
