Sumangsango ita iti kaso a reckless imprudence resulting to homicide ken panaglabsing iti Anti-Hazing Law dagiti pito a personnel ti Philippine Coast Guard (PCG)nga adda pakainaiganna iti ipupusay daydi apprentice a ni Mori Caguay.
Kasaruno dayta ti panangipila ti pamilya ni Caguay ti kaso kontra kadagitoy babaen metlaeng iti panangasistar kadakuada dagiti personnel ti National Bureau of Investigation (NBI).
Innem a bulanen ti napalabas kalpasan ti nasao nga insidente ken patchen ti pamilya ti biktima nga adda ti napasamak a panangbaybay-an dagiti maseknan nga indibidwal bayat ti Water Search and Rescue (WASAR) training dagitoy idi November 16 idi napan a tawen.
Maipalagip a kinumpirmar ti National Bureau of Investigation(NBI) a pimmusay ni Mori gapu iti lack of oxygen iti utek daytoy.
Kabayatanna, impeksa met ni Philippine Coast Guard spokesperson Rear Admiral Armand Balilo a nakasagana dagitoy a sangwen ti nasao a banag.
