--Ads--
BAGUIO CITY – Nakemmeg ti pito nga indibidual gapu iti panagay-ayam dagitoy iti pusoy dos sadiay Upper Right Park, Lualhati, Baguio City.
Nabigbig dagitoy a da Jovita Jimeno, 48-anyos; Ivony Esteban, 24-anyos; Cindy Sacuyan, 31-anyos; Saysaya Guilingen, 34-anyos; Bernal Depaynos, 37-anyos; Arjay Sacuyen, 32-anyos ken ni Bethy Akidang, 56-anyos.
Sigun iti Baguio City Police Office Station 3, inreport ti maysa a concerned citizen iti pulisya ti kina-ariwawa dagiti nasao nga indibidual bayat ti panagsugalda.
Iti panagresponde dagiti otoridad ket nakumpiskar manipud kadagiti suspek ti inaramat dagitoy a baraha, ken ti kuarta a taya dagitoy.
Sumangsangon dagiti suspek iti kaso a panaglabsing iti Anti-Illegal Gambling Act.
