--Ads--
![](https://img.bomboradyo.com/baguio/2020/02/lacnog.png)
BAGUIO CITY – Posible nga ad-adu dagiti umili a mangkanunong iti panggep a pannakagudua ti Barangay Lacnog sadiay Tabuk City, Kalinga.
Iti eksklusibo nga interbyu ti Bombo Radyo ken ni Atty. Reyman Solbita, election officer ti Comelec-Tabuk City, kinunana a maipatungpal inton bigat, Pebrero 22 ti plebisito para iti panggep a panagbalin kas dua a barangay ti Lacnog.
Kinunana a panggep dagiti umili a mapagbalin ti nasao a barangay kas Lacnog East ken Lacnog West.
Inlawlawag ti opisial a no magudua ti nasao a barangay ket mabingay iti dua ti sangapulo a sitio daytoy.
Innayon ni Atty. Solbita a kas maibasar kadagiti survey a naipatungpal ket mayoria kadagiti residente ti Lacnog ti pabor iti pannakagudua ti nasao a barangay.