Posible a mangipila ti House Committee on Good Government and Public Accountability iti plunder a kaso kontra kenni Vice President Sara Duterte gapu iti saan a nalawag a panagaramatna iti agarup P112.2 million a confidential fund daytoy.
Sigun kenni House Senior Deputy Speaker Aurelio “Dong” Gonzales Jr., nu saan a mailawlawag ni Duterte ti nangaramatanna iti confidential funds daytoy idi tawen 2023 kabayatan ti panagbalinna kas Sekretarya ti Department of Education ket mabalin a mapilaan daytoy iti kaso.
Inyunay-unay ni Gonzales Jr. a kasapulan ti transparency kadagiti panakausar dagiti public funds nangruna ket kwarta daytoy dagiti umili rason a nasken a maaramat daytoy a nasayaat.
Maipalagip nga iti napalpalabas a naipatungpal dagiti hearing, awan ti nalawag nga eksplanasyon ni Duterte nu anya ti nangusaranna iti confidential funds daytoy bayat nga impeksana a ti panakakwestionar daytoy iti nasao a pondo ket maysa a wagas ti “pamumulitika.”
