Maguyguyugoy dagiti agtutubo a makipaset iti Philippine Military Academy(PMA) Entrance Examination a maangay inton September 21 agingga September 22 para iti Central ken Northern Luzon Leg daytoy.
Iti panakiuman ti Bombo Radyo kenni Lieutenant Jesse Saludo, manipod Public Affairs Office iti Philippine Military Academy,umaw-awat pay dagitoy kadagiti walk-in applicants para iti nasao nga eksaminasyon.
Karaman kadagiti masapol nga isagana dagiti agtarigagay nga ag-exam ti duly accomplished cadet application form, photocopy iti birth certificate, Form 137, Form 138, ken kaudian a 2×2 picture with white background.
Malaksid iti dayta, masapol metlaeng a mangitugot iti number 2 a lapis, agkawes iti puraw a T-Shirt, atiddog a sapin,ken close shoes.
Impalagip metlaeng ni Saludo a masapol a sakbay iti alas sais iti agasapa ket nakasangpiten iti exam center dagiti exam takers gapu ta mangrugi iti alas sais a maiproseso dagitoy agingga alas onse iti agsapa bayat nga alas dose iti pangngaldaw a mangrugi ti eksaminasyon.
Mainaig iti dayta, dagiti kwalipikasyon ti awatenda nga ag-exam ket masapol nga agtawen iti at least 17 ken saan a natataengan ngem 22 apaman a madanon ti panagkasangayna daytoy inton June 1, 2025, natural a naipasngay kas maysa a Pilipino, at least 5 feet katayag(babae ken lalaki),at least Senior High School graduate, ken addaan iti General Weighted Average nga 85%.
Sigun kenni Saludo, awan ti limitasyon iti iyakomodarda iti nasao nga eksaminsayon lakedti pasado dagitoy kadagiti nadakamat a kwalipikasyon.
Very challenging ang PMA(Philippine Military Academy)but then, it is very fulfilling. It gives us maraming opportunities, it opens opportunities for each and everyone of us, sa ating mga kabataan. So ini-invite po namin ang lahat to take PMA Entrance Exam sa Northern Luzon Leg and Central Luzon this coming September 21 and 22
LIEUTENANT JESSE SALUDO | PHILIPPINE MILITARY ACADEMY -PUBLIC AFFAIRS OFFICE
Kabayatanna karaman kadagiti examination center a pakaangayan ti nadakamat nga eksaminasyon iti Northern Luzon ti Northwestern University idiay Laoag City,Ilocos Norte; Provincial Training Development Center II, Lingayen, Pangasinan; Cagayan State University-Andrews Campus Gymnasium, Tuguegarao City Cagayan; Isabela State University-Cauayan City, Isabela; Nueva Vizcaya General Comprehensive High School-Bayombong, Nueva Vizcaya; Lazaro Francisco Integrated School-Cabanatuan City; Mt. Province Polytechnic College-Bontoc Mt. Province; Kalinga State Univesrity- Tabuk City, Kalinga; ken Philippine Military Academy Forth del Pilar-Baguio City.
Karaman met kadagiti examination center a pakaangayan ti nadakamat nga eksaminasyon iti Central Luzon ti Pampanga High School-San Fernanado City, Pampanga, Dr. Juan Angara Multipurpose Hall-Baler, Aurora; ken ti Northern Luzon Command Multipurpose Hall- Camp Aquino, Tarlac.//Bombo Rob Dominguez
