Sapsapulen dagiti otoridad ti bangkay ti nakawtibo a ni American vlogger a ni Elliot Eastman gapu iti impormasion nga impaay ti maysa kadagiti nakemmeg a suspek a mapapati a pimmusay ti gangannaet.
“Kinonfirm [confirmed] po nila na patay na, patay po si Eastman. Lumalabas po na noong hapon na siya ay in-abduct, dalawa po ang naging tama nito, sa hita at sa may tiyan.”
PNP spokesperson Police Brigadier General Jean Fajardo.
Sigun iti Police Regional Office-Zamboanga (PRO-9), naala ti task group a mangsuksukimat ti kaso, manipod iti maysa a saksi a pinaltuganda ni Eastman idi nakilaban daytoy kadagiti uppat a tattao a nangkawtibo kenkuana ken naisakay iti bangka.
Bayat nga adda daytoy iti bangka, mapapati a pimmusayen ni Eastman isu nga inbelleng dagiti suspek ti bagina iti baybay.
PNP spokesperson Police Brigadier General Jean Fajardo
”Based nga po doon sa revelations ng isa sa mga suspek ay namatay nga po on the day na in-abduct po si Eastman. At habang nasa bangka ay itinapon po ito sa gitna ng dagat. Unfortunately po hanggang ngayon po ay pinagtutulungan pa rin po [na makita] ng combined elements po ng PNP at Armed Forces of the Philippines ‘yung bangkay po nitong si Eastman.”
Naimatangan metten dagiti otoridad ti bangka a naaramat idi nakawtibo ni Eastman.
Idi napalabas a bulan, tallo a tao ti mapapati a karaman iti panangkawtibo kenni Eastmen ti napapatay dagiti otoridad iti napasamak nga engkuwentro idiay Kabasalan, Zamboanga Sibugay.
Nabigbig dagiti suspek a da Mursid Ahod, Abdul Sahibad, ken Fahad Sahibad.
Maipila ti reklamo a kidnapping ken serious illegal detention kontra kadagiti suspek a tallo dagiti suspek ti addan iti kostodiya ti pulisia.
Nakikoordinar metten ti US Embassy iti Manila kadagiti otoridad seknan iti maudi nga impormasion maipapan kenni Eastman.
”The Department of State has no greater priority than the welfare and safety of US citizens abroad. We stand ready to provide assistance to US citizens in need and to their families.”
US EMBASSY
