--Ads--
Nagpalagip manen ti Philippine National Police (PNP) kadagiti motorista nga agtalinaed dagitoy a kalmado bayat ti panagbiaheda tapno maliklikan ti road rage ita nga adu dagiti agbiahe para iti Todos Los Santos.
Sigun iti kapulisan, ti at-atiddog bassit a pasensya ket mabalin a makaisalba iti biag rason a maiyunay-unay ti panagtalinaed a nadayaw ken naraem kasta metten ti naannad a panagmaneho.
Malaksid iti dayta, maysa pay a maiyunay-unay ti panangkita a naimbag iti kondisyon dagiti lugan sakbay nga agbiahe.
Kabayatanna, makidkiddaw met ti panagridam dagiti pasaheros kontra kadagiti salisi wenno pickpockets ken kasapulan a kadagiti laeng lehitimo a transport operators ti pakisaritaanda seknan iti panagbiahe.
