--Ads--
Naka-full alert ita ti Philippine National Police (PNP) bayat ti panagsagana ti Metro Manila iti tallo nga aldaw a rally kontra korapsion a mangrugi intun November 16, 2025.
Sigun iti PNP, nagipektibo daytoy idi Nobiembre 14, 2025.
Panggep ti nasao nga addang a mamintinir ti linak ken siguridad dagiti makipaset iti nasao a rally, commuter ken residente.
Kabayatanna, impeksa ni Acting PNP chief Police Lieutenant General Jose Melencio Nartatez Jr. ti respeto dagitoy iti natalna a rally.
Nupay kasta, idagdagadagna kadagiti makipaset a surotenda dagiti safety reminders, makitinnulongda kadagiti opisial ken tumulongda a mangtaginayon iti kalmado ken naurnos nga aktibidad.
