Inwaragawag ti Malacañang nga impatungpal ti Philippine National Police ti linteg nga awan panangidumduma iti panangipaay dagitoy iti siguridad kabayatan ti panagpiyansa ni Vice President Sara Duterte gapu iti kaso-na a grave threats.
Iti statement ti Presidential Communications Office, kinunana nga impatungpal ti PNP ti mandato daytoy, naibasar iti linteg nga awan iti panangidumduma, ken awanan iti maris pulitika.
Sigun iti opisina, nagtalinaed a propesional ti PNP iti panangsalaknibda kadagiti karbengan ti amin a tattao iti sidong ti proteksionda.
Kabayatanna, impeksa ti Malacañang ti panagtalekna iti PNP ken pinalagipanna ti publiko nga amin a pakaseknan wenno reklamoda maipapan iti tignay ti pulisya ket mabalin a maidalan iti legal a proseso ken saan a kadagiti awan nakaibatayanna nga alegasion.
Inyunay-unay metlaeng ti Malacañang a saan nga itulok ti agdama nga administrasyon nga agbalin nga armas ti kapulisan para iti anyaman a kinaranggas.
