--Ads--
BAGUIO CITY – Inkari ti baro a dadaulo ti Benguet Provincial Police Office ti panangituloyna iti kampanya ti pulisya iti probinsia kontra iti iligal a droga, partikular ti marijuana.
Inkari daytoy ni Police Colonel Elmer Ragay kalpasan a naipaima kenkuana ti panangidaulo iti Benguet PNP.
Ni Ragay ti simmukat kenni Police Colonel Lyndon Mencio kalpasan a nagpason ti mandatory two-year tour of duty daytoy.
Madutukan ni Mencio sadiay National Capital Region.
Agserserbi metlaeng ni Ragay kas dadaulo ti Regional Intelligence Division ti Cordillera PNP.
