--Ads--
BAGUIO CITY – Malamlamayan ita ti maysa a kameng ti Baguio City Police Office – Station 5 kalpasan a nalmes iti Agno River, partikular sadiay Maguing, San Felipe West, San Nicolas, Pangasinan idi kalman.
Nabigbig daytoy a ni PCpl. Joey Liclican Manuel, 35-anyos, naasawaan ken residente ti Camp 7, Baguio City.
Maibasar iti report, nagturong ti pulis ken ti dua nga annakna a lallaki ken ti kaanakanna tapnu aglangoy iti Agno River.
Nupay kasta, mapapati a naiguyod ti pulis gapu iti napigsa nga ayos ti danum iti karayan a nagresulta iti panakalmes daytoy kas maibasar metlaeng iti testimonya ti maysa a residente sadiay
Dagos a naiturong ni PCpl. Manuel iti Rural Health Unit ti San Miguel, Pangasinan ngem naideklara a dead on arrival.
