Dagus a nakapagpiansa ni sigud a Philippine National Police Deputy Chief for Operations Lieutenant General Benjamin Santos Jr. kalpasan a simmuko ken inarestar dagiti otoridad daytoy idiay Ninoy Aquino International Airport (NAIA) Terminal 1 ita laeng nga aldaw.
Ni Santos ket maysa kadagiti sarsaraken dagiti otoridad gapu iti pakainaigan daytoy iti kontrobersyal a P6.7 billion drug haul idiay Tondo, Manila idi 2022.
Sigun it release order ti maseknan a korte, boluntaryo a simmuko ni Santos ken nangipaay iti piansa a P200K.
Sigun kenni Philippine National Police Spokesperson Police Brigadier General Jean Fajardo, agarop 4:48 ti parbangon a simmuko ni Santos iti Criminal Investigation and Detection Group.
Kalpasan a nagpiansa daytoy iti P200,000, nawaya-wayaan daytoy itay metlaeng agsapa.
Sigun iti maseknan a korte, ti napiansaan a kaso ni Santos ket ti panaglabsingna iti Comprehensive Dangerous Drugs Act of 2002, partikular ti delay and bungling in the prosecution of drug cases.
Malaksid iti nasao a kaso, maatap a karaman metlaeng iti sangsangwen ti nasao a pulis ti planting of evidence.
