Nagparang ken nakipaset iti panagdinggeg ti House of Representatives ita nga aldaw ni Police Major General Romeo Caramat, Jr., ti mapapati a mangipaay ti kinapudno seknan ti pammapatay a napasamak bayat ti programa ni sigud a president Rodrigo Duterte a war on drugs kasukat ti pannakadutokna kas hepe ti Philippine National Police (PNP).
Ni Caramat ti maysa kadagiti resource persons bayat ti umuna nga aldaw a panagdinggeg iti mapapati a pakainaiganna ti Philippine Offshore Gaming Operators (POGO) agingga iti extrajudicial killings (EJKs) a naaramid wenno napasamak bayat ti administrasion ni Duterte a war on drugs.
Immunan a kinuna ni House Committee on Dangerous Drugs chairperson Ace Barbers a posible a makipaset ni Caramat iti panagdingge kaduana ti dadduma pay a nangangato nga opisial ti Philippine National Police ken opisial ti Philippine Amusement and Gaming Corporation, ken dadduma pay.
Bayat ti panaglukat a panagbitla ni Caramat, kinunana a kayatna a maipaayan ti hustisia dagiti amin a biktima ken saanna kayat nga agtultuloy ti “injustice” a mapamak.
Ngem sakbay ti naipatungpal a panagdinggeg, inakusaran ni Senator Ronald “Bato” dela Rosa ti administrasion ni Marcos gapu iti panangpilitda kenni Caramat nga agtestigo kontra iti sigud a President Rodrigo Duterte seknan iti pannakatay dagiti indibidual bayat ti war on drugs.
Nupay kasta, kinuna ni National Intelligence Coordinating Agency director general Ricardo de Leon ken Ako Bicol Representative Zaldy Co a ni Caramat ti nangi-offer a mangibaga amin seknan iti rug war deaths kas kasukat ti pannakadutukna kas hepe ti Philippine National Police.
