BAGUIO CITY – Nangipatungpal iti manhunt operation ti Mt. Province PNP kontra kadagiti saan suspek a nangpatay iti police major iti sangoanan a mismo ti balayna sadiay Eyeb, Poblacion, Bontoc, Mountain Province idi rabii.
Nabigbig ti biktima a ni PCI Benjamin Falangon Challoy, 40, addaan iti asawa, sigud a chief of police ti Bontoc PNP ken agdama a dadaulo ti Highway Patrol Group-Mt. Province.
Maibasar iti inisyal nga imbestigasyon dagiti pulis, nakangeg laengen ni ti maysa nga umili sadiay iti nagsasaruno a putok ti paltog agingga a nakitana ti tallo a lalaki a timmaray iti maysa a balay sadiay.
Naitaray ti biktima iti ospital ngem naideklara a dead on arrival gapu iti sinagrapna a tama ti paltog.
Naala iti bagi ti biktima ti tallo a bala ti caliber 45 bayat a naala iti crime scene ti innem a basyo ti caliber 45.
Iti agdama ket dukduktalen dagiti otoridad nu anya ti motibo iti nasao a krimen.
