--Ads--
Napilaan iti kaso a robbery with intimidation of person ti police sergeant idiay Caloocan City kalpasan nga inawatna ti P30-K manipud iti kabsat ti suspek iti illegal drug trading.
Nabigbig daytoy a ni PSSG Andro C. Centeno a nakadestino iti Amparo Police Sub-Station idiay Caloocan City.
Natiliw ni Centeno idi Hunyo 24 bayat ti entrapment operation ti Philippine National Police-Integrity Monitoring and Enforcement (PNP-IMEG).
Daytoy ket kalpasan a nakita dagiti otoridad nga aw-awaten ni Centeno ti P30-K manipud iti maysa a babai tapno mawaya-wayaan ti natiliw a kabsatna gapu iti iligal a droga.
Ginandat ni Centeno nga aglibas ngem natiliw metlaeng.
Narekomendaran met daytoy iti P100-K a piyansa para iti temporaryo a pannakawaya-wayana.
