--Ads--
Pabor ni Department of Public Works and Highways (DPWH) Secretary Vince Dizon a kissayan ti nailatang a pondo iti nasao a departamento para inton 2026.
Sigun kenni Dizon, rumbeng laeng a maksayan ti pondo partikular dagiti para iti flood control projects a red flag wenno kwestyunable.
Gapu iti dayta, nagkiddaw ni Dizon iti makalawas a pawayway tapno adalen ti budget daytoy iti sidong iti 2026 National Expenditure Program (NEP).
Ipanamnama na met nga ikkatenda amin dagiti red flag wenno mapagdudua-an a proyekto ken silulukat daytoy a mangi-realign kadagiti pondo dagitoy.
Kabayatanna, inaklon ti nasao nga opisyal a naoverwhelm daytoy iti kinagulo ti sitwasyon iti DPWH sipud nagtugaw daytoy kas baro a dadaulo.
