Inkari ti TIEZA a ti pondo para iti panadur-as iti siudad iti Baguio ket nailatangen numan pay adda ti panggepda a panagikkat iti travle tax iti Kongreso.
Nakareserba ti P400 milyon para iti pannakapasayaat iti Burnham Park, a nakumpleto idi napalabas a tawen.
Paset iti pondo ket maaramat metlaeng iti panangpasayaat ken panang-upgrade iti daan a wastewater treatment system iti siudad.
Maapektaran ti pannakaitantan iti dredging iti Burnham Lake ti panaglukat daytoy, a manamnama inton Mayo wenno Hunyo.
Panggep iti TIEZA a papartaken ti panagpapintas iti park playground ken mangnayon iti rain dome.
Nupay kasta, ti kapatgan a proyekto ket ti panangpalawa iti sewage treatment plant, a sigud koma a suportaran iti $45-milyong a loan manipod iti Asian Development Bank.
Naituding metlaeng nga ituloy ti TIEZA ti proyekto iti travel circuits ken runway expansions iti sangapulo nga airport.
