Dumanon ti P1,002,015,405 (1 billion, 2 million, fifteen thousand four hundred five pesos) ti pondo iti munisipyo ti La Trinidad a manmanama a maaramat inton umay a tawen.
Sigun kenni Vice Mayor Atty. Guiller Galwan, ti Sangguniang Bayan ti mangreview kadagiti items a nasken a mapondoan para inton umay a tawen.
Kalpasan ti dayta ket mangipatungpal ti Committee Hearing iti Committee on Finance tapnu mangngegan manipud kadagiti amin nga ahensya nu anya dagiti nasken a maipangpangruna a proyekto a mapondoan.
Maipresenta met ti resulta iti naipatungpal a committee hearing iti session dagiti SB para ti pannaka-apruba daytoy
Impeksa met ti Vice Mayor Galwan a maysa kadagiti kitaenda dagiti nadadael nga infrastructure ita a tawen gapu ti bagyo ken habagat a saanpay a napondoan no sadino daytoy ti maysa kadagiti posible a papanan ti pondo.
Kinuna ti opisyal a makitkita a saan nga umanay ti nasao a pondo ngem ti napateg ket kitaenda a nasayaat nu anya dagiti maiprioritize a proyekto.
Innayunna pay a nupay agkurang ti nasao a pondo, isapulandanto daytoy ti kanayunan a pondo manipud kadagiti nagduduma a national lined agencies.
Iti baet dayta, inlawlawag ni Vice Mayor Galwan a ngimmato ti pondo da iti 8% nu idilig iti nailatag a budget ita a tawen.
Kabayatanna manamnama a maiwaras ti pondo kadagiti nagduduma a a sectors no sadinno ti manamnama a mailatang para ti General Public Services ket P74,004,456.00; P501,586,085.00 met iti economic services ; social services a P159,349,864.00; 5% wenno P50,000,000.00 para iti Local Disaster Risk Reduction and Management fund wenno ken 20% wenno P119,000,000.00. para met iti municipal development fund.
Inlawlawag met ti opisyal a dagiti nasao a budget ket subject for review pay metlaeng. //via Bombo Noveh Organo
