Imbutaktak ni Pope Francis a daytoy ket puntiria ti attempted suicide bombing bayat ti panagsarungakarna idiay Iraq tallo a tawenen ti napalabas, nu sadinno daytoyen ti nalabit a karisgoan a panagbisita iti nagduduma a pagilian iti las-ud ti sangapulo ket maysa a tawen.
Sigun iti Santo Papa, naipaayan daytoy ti impormasion babaen kadagiti kameng ti pulisia sadiay kalpasan a naglanding dagitoy iti Baghdad idi 2021.
Mapapati a puntiria dagiti agarup dua a suicide bombers ti maysa kadagiti programa ni Pope Francis.
Nupay kasta, saan a nagballigi dagitoy.
Ti panagbisita ni Pope Francis idiay Iraq ket maibilang a pakasaritaan.
Ti pagilian nga Iraq ti maikadua a kadakkelan a siudad a kontrol ti Islamic State manipod 2014 aginga 2017.
Binisita ni Pope Francis ti nadadael a simbaan ken immapela para iti kinatalna sadiay.
