Kritikal paylaeng ti sakit ni Pope Francis bayat a makidangdangadang iti pulmonia ken ti panangrugi ti bassit a panagkapuy ti kidney-na, ngem agtaltalinaed nga alerto, sigun iti Vatican.
Nabusbusen ni Pope Francis ti maika-11 nga aldawna iti Gemelli Hospital idiay Rome, ti kaatidugan a panagnaedna iti ospital iti pakabuklan a sangapulo ket dua a tawen kas Santo Papa.
Sigun iti maysa nga opisial a saanen a nagpaidakamat ti nagan gaputa saan a naotorisaan a mangiruar ti kondision ti Santo, imbinglayna a mangmangan a normal ti Santo Papa ken kayana a bumangon ken aggaraw iti uneg ti hospital room daytoy.
Idi laeng Domingo, inladawan ti Vatican a ti kondision ti Santo Papa ket kritikal para iti maikadua nga aldaw, ken naiparang iti blood tests-na a simmayaat bassit ti kondision ti kidney-na.
Itay laeng Sabado, naipasidong iti blood transfusion ti Santo Papa kalpasan a nakapasar iti “prolonged asthma-like respiratory crisis,” kas maibasar iti kaudian a medikal daytoy.
Iti agdama, mabanbantayan latta ti kasasaad daytoy.
