CORDILLERA – Ngimmato ti porsiento ti insidente ti uram iti rehion Cordillera ita a 2026.
Sigun kenni Fire Inspector Roy Cabanting, Chief ti Intelligence and Ingestigation Section, operations division ti BFP-CAR, dumanon iti 309 ti nailista nga uram idi Enero agingga Abril 20, 2026.
Nangatngato no idilig iti 129 a fire incidents iti kapada a bulan idi 2025.
Sigun kenni FINSP Cabanting, nakailista dagitoy iti 219 nga insidente ti forest fire wenno non-structural fire.
Nangatngato no idilig iti 84 nga insidente ti structural fire a pakairamanan ti residential ken non-residential.
Maibasar iti datos, dumanon iti 61 ti bilang dagiti residential bayat a dumanon met iti 23 ti non-residential.
Mainaig iti dayta, nakailista metlaeng ti nasao nga ahensia iti transport fire incident a dumanon iti innem.
Inlawlawag ti nasao nga opisial nga aramid ti tao ti sumagmamano a rason iti maspasamak nga uram, saan laeng a gapu iti kinabara ti panawen.//Bombo Noveh Organo
