Ikonkonsiderar iti bloc ni Acting Senate President Sherwin Gatchalian ti posibilidad a mangpili iti dadduma a senador a mangidaulo iti impeachment trial ni Vice President Sara Duterte.
Mapagsasaritaan a ni Sen. Francis Escudero ti posible nga agbalin a presiding officer.
Sigun kenni Gatchalian, awan pay ti pinal a pangngedeng ti sangapulo ket dua a mayorya ken pagsasaritaanda pay ti nasao nga isyu.
Siguden a tradisional a ti Senate President ti mangidaulo iti impeachment court, ngem nabaliwan itay laeng nabiit ti pagalagadan tapno mapatgan ti siasinoman a mapili iti mayorya nga agtugaw kas presiding officer.
Mabalin a maipatungpal ti baro a pagalagadan sangapulo ket lima nga aldaw kalpasan ti Hunio 9 kasaruno ti publication daytoy iti website.
Iti sidong iti Konstitusion, ti Chief Justice laeng ti otomatiko a mangidaulo iti impeachment court nu Presidente ti matingiting, bayat a ti Senate President ti kadawyan a presiding officer iti dadduma nga impeachment cases.
Kabayatanna, agtaltalinaed a mapagsasaritan a ni Escudero ti posible a madutukan iti posision iti tengnga iti alegasion kontra kenkuana seknan iti isyu iti flood control projects.
