--Ads--
Inlawlawag ti impeachment court nga adda ti ligal a basaran ti pannakabutos ni Sen. Francis Escudero kas presiding officer para iti impeachment trial ni Vice President Sara Duterte.
Daytoy ket iti laksid ti panagkedked dagiti sumagmamano a senador ken panangikalinteganda a ti presiding officer ket akem ti Senate President.
Inlawlawag daytoy ti korte kabayatan ti maysa a press briefing a naisayangkat idi Lunes, July 06.
Sigun kenni Impeachment court spokesperson Reginald Tongol, nalawag ti basaran ti Senado iti pannakaamyendar iti Senate Resolution No. 39 a nangipaay dalan para iti pannakabutos ti presiding officer.
